101 nömrəli məktəbdə "XEYRİYYƏ" yarmarkası nəyə hesablanmışdı?

    Yenimeydan.info xəbər verir ki,  "SƏHƏRMEDİA" xəbər portalının redaksiyasına daxil olan məlumatda bildirilir ki, Bakı şəhəri Suraxanı rayonu 101 nömrəli tam orta məktəb də 27.12.2024-cü il tarixində "YARMARKA" keçirilməsi baş tutacaq idi.

Məktəbdə fəaliyyət göstərən şagird parlamentinin təşkilatçılığı ilə "xeyriyyə yarmarkası" adı altında keçirilməsi nəzərdə tutulan yarmarkada siniflərdə yaradılan whatsapp qruplarında xəbər verilib ki, şagird və valideyinlər əl işləri, ev yeməkləri, kitab, oyuncaq və digər məhsullar hazırlayıb məktəbə gətirsinlər və bunlar təhsil ocağında satılacaq, əldə olunan vəsait hara isə xeyriyyə adı altında xərclənəcək.

Nəzərinizə çatdırırıq ki, Suraxanı rayon 101 nömrəli tam orta məktəbin direktoru Xəyalə xanım Əzizova xəbərlə bağlı heç bir açıqlama verə bilmədi. Xəyalə xanıma verdiyimiz "Bu Yarmarka nəyə hesablanıb? Əgər gətirilən ev yeməklərindən hər hansısa Zəhərlənmə halı baş verərdisə kim məsuliyyət daşıyacaqdı? sualına sadəcə "KEÇİRİLMƏSİ PLANLAŞDIRILAN YARMARKANI DAYANDIRMIŞAM" deyərək cavab verdi.

Bu cür ciddi məsələyə cavab verməyə çətinlik çəkən məktəb direktoru Xəyalə xanım Əzizova görəsən "XEYRİYYƏ YARMARKASI" adı ilə keçiriləcək olan naməlum tədbirdən hansı vəsaiti toplamağı düşünürdü? Axı məktəb bazar deyil.

Mediatv.az xəbər verir ki , "SƏHƏRMEDİA" saytı Bakı şəhər Təhsil idarəsindən sözügedən Suraxanı rayon 101 nömrəli məktəblə bağlı bildirdiyimiz məlumatla bağlı açıqlama vermələrini və bu məsələ ilə bağlı araşdırma aparmalarını xahiş edir.