Suriyanın yeni ordusuna türk briqada generalı təyin edilib

Suriyada yeni hökumət peşəkar nizami ordu yaratmaq üçün qollarını çırmalayıb. Türkiyə vətəndaşı Ömer Muhammed Çiftçi də orduda briqada generalı kimi xidmət edəcək.

Sherg.az xəbər verir ki, Yeni administrasiya bəzi döyüşçüləri, o cümlədən uyğur, İordaniya və Türkiyə vətəndaşlarını silahlı qüvvələrə təyin edib.

Suriya hərbi mənbəsi və HTS mənbəsinin məlumatına görə, Türkiyə vətəndaşı Ömər Məhəmməd Çiftçi və İordaniya vətəndaşı Əbdül Rəhman Hüseyn əl-Xatib briqada generalı təyin edilib.

Mənbələr Müdafiə Nazirliyinin bazar günü elan etdiyi təxminən 50 zabit təyinatından ən azı altısının xarici ölkə vətəndaşları olduğunu bildirir.