29 mart 2024

Vüsalə Mənsimova Mübariz və Mais Mənsimovları məhkəməyə verdi

Məşhur azərbaycanlı iş adamı, “Palmali” şirkətlər qrupunun sahibi Mübariz Mənsimov və qardaşı Mais Mənsimov barəsində məhkəmə iddiası qaldırılıb.
Yeniavaz.com xəbər verir ki, məhkəmə iddiası Mənsimova Vüsalə Asəf qızı tərəfindən irəli sürülüb.
İddia üzrə növbəti məhkəmə iclası Bakı Apellyasiya Məhkəməsinin hakimi İkram Şirinovun sədrliyi ilə aprel ayının 2-də saat 10:00-da keçiriləcək.
Qeyd edək ki, daha əvvəl – 7 noyabr və 19 dekabr 2023-cü il tarixlərində 2 iclas keçirilib. İddia müqavilənin etibarsız hesab olunması tələbi üzrə qaldırılıb.
Məlumat üçün bildirək ki, barəsində iddia qaldırılan Mais Mənsimov Türkiyənin “Palmali Gemicilik ve Acentelik Anonim Şirketi”nin Azərbaycandakı Fililalının (VÖEN -1400043761), həmçinin “Azərkeş Xəzər-Lənkəran” MMC-nin (VÖEN - 2600058551) qanuni təmsilçisidir.
Onu da qeyd edək ki, “Palmali Gemicilik ve Acentelik Anonim Şirketi”nin Azərbaycandakı Fililalının hazırda dövlət büdcəsinə vaxtında ödənilməyən vergi borcu da var.

Oxşar Xəbərlər:

Sumqayıtda “Dövlət satınalmaları haqqında” Qanuna sözün əsl mənasında meydan oxuyurlar

Neft və Qaz İnstitutunun satınalmalarında dövlət sənədlərini saxtalaşdıran MMC-lər qalib edilib - İLGİNC İDDİALAR...

BAŞ PROKURORLUQ NİYƏ YALAN MƏLUMAT YAYAN TALEH QARAŞOVA XƏBƏRDARLIQ ETMƏDİ?

Prezident əfv sərəncamı imzaladı – SİYAHI