14 iyul 2023

Saatlı GEM-in direktoru 8 gündə 24 nəfər işçisini necə “yoxa çıxarıb”?

"Azərbaycan Respublikasının Konstitusiyasına və “İnformasiya əldə etmək
haqqında” Azərbaycan Respublikasının Qanununa əsasən hər bir vətəndaşın dövlət
orqanlarına və bələdiyyələrə Qanunun tələblərinə düzgün əməl etməklə dövlət
idarələrinə və bələdiyyələrə informasiya sorğusu göndərmək hüququ var".
Bu barədə DİA.AZ-a göndərilən məqalədə deyilir.
Məqalə müəllifi qanunvericilikdən sitat gətirərək davam edir: "Qanunun
10.4.8-ci maddəsinə əsasən informasiya sahibi, həqiqətə uyğun olmayan, natamam
və ya qeyri-dəqiq informasiya verməməlidir. 11.2. Bu Qanunun 9-cu maddəsində
nəzərdə tutulan informasiya sahibləri informasiyanın əldə olunmasının təşkilinə
görə qanunvericiliklə müəyyənləşdirilmiş qaydada məsuliyyət daşıyırlar.
Mən dəfələrlə Saatlı rayon Gigiyena və Epidemilogiya Mərkəzinin direktoru Vəli
Məmmədova informasiya sorğusu ünvanlasam da sorğuma tam düzgün cavab ala
bilməmişəm. Təsəvvür edin 2022-ci ildən bu günə qədər Saatlı GEM-in direktoru
Vəli Məmmədov mənim mənim sorğuma düzgün cavab vermir. Bununla bağlı
Ombudsmanın Aparatı da dəfələrlə Saatlı GEM-in direktoru Vəli Məmmədovdan
düzgün cavab tələb etsə də hələ də düzgün cavab verilməyib.
Saatlı GEM-in direktoru 2022-ci ilin dekabr ayında informasiya sorğusuna iki
cavab məktubu göndərmişdir ki, həmin cavab məktubunun birində işçilərin sayı 76
nəfər digərində isə 52 nəfər göstərilir. Belə ki, 21 dekabr 2022-ci il tarixli 864 saylı
cavab məktubunda qeyd edilir ki, ştat üzrə işçi sayı 76 nəfərdir (1-ci cavab), lakin
8 gündən sonra 29 dekabr 2022-ci il tarixli 870 saylı cavab məktubunda göstərilir
ki, 52 nəfərdir (tək-kək ştat üzrə yazılıb və cəmini hesabladıqda 52 nəfər olur 1-ci
cavab). Çox maraqlıdır ki, 8 gün ərzində idarədə 24 nəfər işçi necə “yoxa çıxdı”?
Fikrimcə media nümayəndələri araşdırıb bu suala cavab tapa bilər.
Bu məsələ ilə bağlı dəfələrlə Respublika GEM-in baş direktoru xanım Sara
Həsənovaya müraiətlər etsəm də cavab ala bilməmişəm. Ombudsmanın Aparatı da
Vəli Məmmədov mənim sorğuma cavab vermədiyi üçün 9 iyun 2023-cü il
tarixində Respublika GEM-in Baş Direktoru xanım Sara Həsənovaya müraciət etsə
də bu günə qədər cavab ala bilməmişdir. “İnformasiya əldə etmək haqqında”
Azərbaycan Respublikasının Qanununun tələblərini pozmaq bahasına belə olsa
Saatlı GEM-in direktoru Vəli Məmmədov işçilərinin siyahısını, görəcəyi işlərə dair
tədbirlər planını, Respublika GEM-ə verdiyi hesabatı və.s digər informasiyaları
verməkdən yayınır. Bir idarə rəhbəri nə üçün işçiləri barədə məlumatı gizlətsin ki?
Necə olur ki, ölkənin baş naziri Əli Əsədov cənab Prezident İlham Əliyevə hesabat
verir və bu hesabat bütün mediada yayımlanır, lakin Saatlı GEM-in direktoru
Respublikas GEM-ə verdiyi hesabatı gizlədir..."

İddia olunanlarla bağlı dia.az olaraq qarşı tərəfi də dinləməyə hazırıq...

Oxşar Xəbərlər:

Qanunla notariuslar da ləğv olunub... onun vəzifəsi də... - İLGİNC FAKTLAR

Prezident əfv sərəncamı imzaladı – SİYAHI

Bakı gömrüyündə sahibkarın başına NECƏ OYUN AÇDILAR... - Prezidentə müraciət olundu

Elmi Tədqiqat Kardiologiya İnstitutunda Gülnaz Dadaşova qanunları - İTTİHAM VAR!

DİM-dən buraxılış imtahanında iştirak edəcək şagirdlərə MÜRACİƏT