İran Türkiyəni ittiham edir, Türkiyə isə təkzib edir

      İstanbuldakı Aydın Universitetinin professoru və meteoroloq Güvən Özdəmir RİA Novosti-yə bildirib ki, Türkiyənin İran yağış buludlarını oğurlaması ilə bağlı iddialar sübut olunmamış nəzəriyyədən başqa bir şey deyil; müəyyən bir ölkədəki quraqlığın səbəbi qlobal istiləşmədir.Yenimeydan.info -nun  məlumatına görə, Forbes jurnalı daha əvvəl xəbər vermişdi ki, İran hakimiyyəti ölkənin şimalından yağış buludlarının yoxa çıxmasını araşdırmaq üçün komissiya yaradıb və məşhur nəzəriyyə Türkiyənin buludları “oğurladığı” iddiasıdır.Sübut kimi, dağların qarla örtüldüyü və mütəmadi olaraq yağış yağdığı, qonşu İranda bir damla belə olmayan Türkiyənin şərqinin fotoşəkilləri təqdim olunur. Nəşr qeyd edir ki, bu cür ittihamlar ilk dəfə deyil – məsələn, 2018-ci ildə İslam İnqilabı Keşikçiləri Korpusunun (SEPAH, İran Silahlı Qüvvələrinin elit bölmələri) nümayəndəsi iddia edib ki, İsrail və BƏƏ İranın iqliminə təsir göstərir.
“Yağış buludlarını oğurlamaq” ideyasını müdafiə etmək, hətta bu barədə düşünməyə çalışmaq heç bir əsası və sübutu olmayan, qəsdən yanıltıcı bir nəzəriyyədən başqa bir şey deyil”, – Özdemir məqaləni şərh edib.