27 iyul 2023
188
Türkiyə və Azərbaycan şirkətləri "Kontakt Home"a qarşı İDDİA QALDIRSALAR DA... - QƏRAR
Bakı Kommersiya Məhkəməsində Türkiyənin Koc Sinan firması və "Babək İnformasiya” MMC-nin “Kontakt Home” əmtəə nişanının sahibi “ABC-Telecom” MMC-yə qarşı iddiasına baxılıb.
Yenimeydan.info bildirir ki, Pravda.az-ın əldə etdiyi məlumata görə, hakim Ülkər Həsənovanın sədrliyi ilə keçirilən prosesdə qərar elan olunub.
Qərara əsasən, iddia rədd edilib.
Qeyd: Türkiyənin Koc Sinan firması və "Babək İnformasiya” MMC “Kontakt Home” əmtəə nişanının sahibi “ABC-Telecom” MMC-ni məhkəməyə verərək müqavilələrdən əmələ gələn öhdəliklər üzrə mübahisələr və sair öhdəliklər üzrə mübahisələr barədə tələb irəli sürüb.
Xatırlatma: “ABC-Telecom” 2006-cı ildə yaradılıb, nizamnamə kapitalı 10 min manatdır. “Kontakt Home” və “ABC-Telecom”da deputat Elnur Allahverdiyevin pay sahibi olduğu bildirilirdi. Sonradan deputat həmin şirkətlərlə əlaqəsinin qalmadığını demişdi.
