ABŞ-DAN PEKİNİ QƏZƏBLƏNDİRƏCƏK AÇIQLAMA

    Patel gündəlik mətbuat konfransında mövzu ilə bağlı sualları cavablandırıb.Yenimeydan.info Haber Global-a istinadən xəbər verir ki, ABŞ-ın Çinlə “proqnozlaşdırıla bilən” bir münasibət qurmaq istədiyini ifadə edən Patel, “ABŞ prezidenti Co Baydenin açıq şəkildə ifadə etdiyi kimi, biz yeni bir Soyuq Müharibə axtarmırıq və rəqabətimiz münaqişəyə çevrilməməlidir” deyib.
Patel qeyd edib ki, beynəlxalq ictimaiyyətin ABŞ və Çindən gözlədiyi budur.
İyunun 4-də Tayvan boğazından keçən ABŞ esminesi və Kanada freqatının Çin hərbi gəmisi tərəfindən təqib edilməsinə gəlincə, “ABŞ illərdir beynəlxalq hüquqdan, dənizdə naviqasiya azadlığından istifadə edərək müntəzəm olaraq Tayvan boğazında əməliyyatlar həyata keçirir. Biz beynəlxalq hüququn icazə verdiyi hər yerdə, azadlıq çərçivəsində uçmağa, kruiz etməyə və işləməyə davam edəcəyik”, – deyə əlavə edib.
Qeyd edək ki, Çin suverenlik mübahisəsi olan Tayvanı öz ərazisinin bir hissəsi hesab etdiyi üçün beynəlxalq Tayvan boğazını öz ərazi sularının bir hissəsi hesab edir.