ERMƏNİSTAN PARLAMENTİNİN SƏDRİ ANKARADA TÜRKİYƏLİ HƏMKARI İLƏ GÖRÜŞƏCƏK

      QDİƏT Parlament Assambleyasının iclasında Alen Simonyan da çıxış edəcək.Yenimeydan.info Sputnik Armeniya-ya istinadən xəbər verir ki, Ankaraya səfəri çərçivəsində Ermənistan Milli Məclisinin sədri Alen Simonyan Türkiyə parlamentinin sədri Mustafa Şentopla görüşəcək.
Görüş Qara Dəniz İqtisadi Əməkdaşlıq Təşkilatı Parlament Assambleyasına (QDİƏT) üzv ölkələrin parlament başçılarının sammiti çərçivəsində baş tutacaq. Simonyanın QDİƏT PA-nın iclasında çıxışı da planlaşdırılır.
Alen Simonyanın başçılıq etdiyi Ermənistan nümayəndə heyəti bu gün hökumət təyyarəsi ilə Ankaraya işgüzar səfərə yola düşüb.