Stadionu alan şəxs Şeyxin Mühafizə xidmətinin rəisi olub - İLGİNC

 
Masallıda yerləşən Anatoli Banişevski adına stadionun kim tərəfindən satın alınması müəyyənləşib.
Teleqraf-ın əldə etdiyi məlumata görə, stadionu satın alan şəxs yerli iş adamı Səxavəddin Sadıxovdur.
Əslən Masallıdan olan S.Sadıxov uzun müddət xüsusi xidmət orqanlarında çalışıb. İstefada olan polkovnik Qafqaz Müsəlmanları İdarəsinin (QMİ) sədri Şeyxülislam Allahşükür Paşazadənin Mühafizə xidmətinin rəisi olub.
O, eyni zamanda Birinci Qarabağ müharibəsinin iştirakçısıdır.
Qeyd edək ki, sözügedən stadion 2012-ci ildən Mübariz Mənsimovun rəhbəri olduğu “Palmali”yə məxsus idi. 2014-cü ildən stadionda təmir məqsədilə söküntü işləri başlasa da, sonradan yarımçıq qalmışdı.