Husilər ABŞ hərbi gəmisini vurdu

 Yəmənin Ənsarullah hərəkatından olan üsyançılar Ədən körfəzi və Bab əl-Məndəb boğazında ABŞ Hərbi Dəniz Qüvvələrinə məxsus gəmilərə qarşı hərbi əməliyyat keçirdiklərini elan ediblər.
Yenimeydan.info xəbər verir ki, bu barədə hərəkatın hərbi nümayəndəsi Yəhya Səriya Teleqram kanalında yazıb.
"Bu gün Ədən körfəzi və Bab əl-Məndəb boğazında ABŞ-ın bir neçə esminesi və hərbi gəmisi ilə toqquşma baş verib. Bu gəmilər ABŞ-ın iki ticarət gəmisini mühafizə edirdi. Əməliyyat nəticəsində ABŞ hərbi gəmisi vurulub. Ticarət gəmiləri geri çəkilməyə və qayıtmağa məcbur oldu”, - deyə bildirilib.