Baydenin F-16-ların satışı ilə bağlı mövqeyi… - Ərdoğan

  Türkiyə və ABŞ strateji tərəfdaşlığa malik iki vacib ölkədir. Amerikalı həmkarım ilə görüş çox məhsuldar keçdi.
YeniMeydan.info xəbər verir ki, bunu Türkiyə Prezidenti Rəcəb Tayyib Ərdoğan Vilnüsdə keçirilən NATO sammitindən geri qayıdarkən təyyarədə jurnalistlərin suallarını cavablandırarkən deyib.
“Görüş təxminən 1 saat 15 dəqiqə çəkdi. Bayden və onun administrasiyası əslində F-16-ların satışı ilə bağlı ölkəmizin xeyrinə mövqe sərgiləyir. Hazırda həm o, həm də xarici işlər naziri “biz bu məsələnin üzərindəyik, onu izləyirik” dedilər. Təbii ki, xarici işlər nazirimiz Hakan bəy, o cümlədən İbrahim bəy (Kalın – red.) və Yaşar Paşamız da də eyni şəkildə tərəfdaşları ilə görüşərək bu prosesin müsbət nəticə verməsini təmin edəcəklər”, - Ərdoğan bildirib.