6 növ xərçəng riskini azaldan SUPER GÜC – Sehrli meyvəni siz də tanıyın

  Svabi Universitetinin (Pakistan) mütəxəssisləri də daxil olmaqla beynəlxalq alimlər qrupu müəyyən ediblər ki, nar və onun törəmələri – meyvələr, qabıqlar, yağlar, ekstraktlar və şirələr altı növ xərçəngin inkişaf ehtimalını azalda bilər.Araşdırmanın nəticələri “Food Science & Nutrition” (FSN) elmi jurnalında dərc olunub.
Qeyd edilib ki, bunlara prostat, sidik kisəsi, döş, dəri, ağciyər və kolon xərçəngi daxildir.
Tədqiqatçıların fikrincə, narın şiş və iltihab əleyhinə xüsusiyyətlərində antioksidantlar əsas rol oynayır. Xüsusilə, polifenollar, flavonoidlər və taninlər iltihabı azaltmağa kömək edir, şiş hüceyrələrinin əmələ gəlməsinin qarşısını alır və onların böyüməsini ləngidir.
Bundan əlavə, alimlər qeyd ediblər ki, narın müntəzəm istehlakı metastaz riskini – xərçəngin digər orqanlara yayılmasını azalda bilər. Bu meyvə həm də lif, mineral və vitaminlərlə zəngindir, lakin az miqdarda yağ və kalori ehtiva edir ki, bu da xərçəngin risk faktorlarından biri olan artıq çəki ilə mübarizədə faydalıdır.
Bəzi araşdırmalar narın tərkibində olan ellagitanninlərin Alzheimer və Parkinson kimi neyrodegenerativ xəstəliklərə qarşı qoruyucu təsir göstərə biləcəyini göstərir.
Bununla belə, elm adamları xəbərdarlıq edir: nar bəzi dərmanların, o cümlədən hipertoniya üçün dərmanların effektivliyinə təsir göstərə bilər, buna görə də onun dərman məqsədləri üçün istifadəsi həkimlə razılaşdırılmalıdır.