Ali məktəblərə imtahan forması dəyişdirilsin – Təklif

     Müasir dövrün tələbləri ölkəmizdə 32 ildir tətbiq edilən imtahan formatının dəyişməsini zəruri edir. Çünki mart ayında imtahan verən şagird, azı 6 ay sonra, avqusun sonunda ancaq tələbə olub-olmadığını bilir. Qəbul imtahanlarının formatının dəyişdirilməsi təhsil sisteminin inkişafı və tələbələrin daha ədalətli qiymətləndirilməsi üçün vacibdir.Yenimeydan.info    xəbər verir ki, bu təkliflə təhsil eksperti Kamran Əsədov çıxış edib. O bildirib ki, vaxt itkisi, imtahanlarının mərhələli keçirilməsi yorucu, bezdiricidir:
“Qəbul qaydaları fevral ayında, Nazirlər Kabineti tərəfindən plan yerləri may ayında, həmçinin təhsil haqları da təstiq olunmasına baxmayaraq DİM abituriyentin 4 saylı jurnalını çap etmir. 9 avqustda başlanacaq ixtisas seçimi üçün DİM abituriyent jurnalını 8 avqustda çap etməyi düşünür deyəsən.

Bəs bu abituriyentlər 19 avqusta qədər necə düşünəcəklər ixtisasları barədə?
Hesab edirəm ki, Azərbaycanda mövcud imtahan modeli dəyişməlidir.
Qəbul imtahanlarının formatının dəyişdirilməsi təhsil sisteminin inkişafı və tələbələrin daha ədalətli qiymətləndirilməsi üçün vacibdir. Bu barədə bəzi təkliflər və düşüncələr təqdim edim:
1. Əsas Bacarıqlara Fokuslanma: İmtahanlar iştirakçıların yalnız nəzəri biliklərini deyil, həm də kritik düşünmə, problem həll etmə və analitik bacarıqlarını yoxlamalıdır. Bu, tələbələrin gələcəkdə daha uğurlu olmasına kömək edə bilər.
2. Praktik Tapşırıqlar: İmtahan formatına layihə əsaslı tapşırıqlar, yazılı esse və müzakirə sualları daxil edilməlidir. Bu, tələbələrin praktiki bilik və bacarıqlarını yoxlamağa imkan verər.
3. Texnologiyadan İstifadə: Onlayn imtahanlar və interaktiv testlər imtahan prosesini daha çevik və əlçatan edə bilər. Bu həm də tələbələrin texnologiya bacarıqlarını inkişaf etdirməyə kömək edər.
4. Fərqli Qiymətləndirmə Metodları: Tələbələrin yalnız bir imtahanla qiymətləndirilməsi yerinə, il boyu davam edən qiymətləndirmələr, portfoliolar və müəllim rəyləri də nəzərə alınmalıdır. Bu, tələbələrin ümumi inkişafını daha ədalətli şəkildə əks etdirə bilər.
5. Müəllimlərin Təlimi: Müəllimlərin yeni imtahan formatlarına uyğun olaraq təlim keçmələri vacibdir. Onlar tələbələri bu yeni formatlara hazırlamaq üçün lazım olan bilik və bacarıqlara sahib olmalıdırlar.
6. Stressin Azaldılması: Tələbələrin imtahan stressini azaltmaq üçün dəstək proqramları və psixoloji xidmətlər təmin edilməlidir. İmtahanlar tələbələrin psixoloji sağlamlığına mənfi təsir etməməlidir”.
Ekspert bildirib ki,
hazırkı imtahanlar iştirakçılarda cidi stress yaradır, bəzən isə həyatları üçün təhlükəyə çevrilir.
Nigar