17 avqust 2023
165
Qeyri-qanuni erməni silahlılarının fortifikasiya qurğuları quraşdırmaq cəhdinin qarşısı alındı
Ermənistan silahlı qüvvələrinin bölmələri iyunun 9-u saat 23:20-dən iyunun 10-u saat 00:35-dək Basarkeçər rayonunun Qaraiman və Günəşli yaşayış məntəqələri istiqamətlərində yerləşən mövqelərindən Ordumuzun Daşkəsən rayonunun Astaf yaşayış məntəqəsi istiqamətində yerləşən mövqelərini atıcı silahlardan fasilələrlə atəşə tutub.Bu barədə Azərbaycanın Müdafiə Nazirliyindən məlumat verilib.
Rusiya sülhməramlılarının müvəqqəti yerləşdiyi Azərbaycan ərazisindəki qeyri-qanuni erməni silahlı dəstələrinin üzvləri tərəfindən Ordumuzun Xocalı və Şuşa rayonları istiqamətlərində yerləşən mövqeləri də fasilələrlə atəşə tutulub.
Bölmələrimiz tərəfindən qeyd olunan bütün istiqamətlərdə adekvat cavab tədbirləri görülüb.
Bundan başqa, qeyri-qanuni erməni silahlı dəstələrinin üzvləri kənd təsərrüfatı işləri adı altında Ordumuzun Ağdam, Füzuli, Xocalı, Xocavənd və Şuşa rayonları istiqamətlərində yerləşən mövqelərinin qarşısında uzunmüddətli fortifikasiya qurğularını quraşdırmağa cəhd göstəriblər.
Azərbaycan Ordusunun bölmələri tərəfindən görülən təxirəsalınmaz tədbirlər nəticəsində aparılan işlər dərhal dayandırılıb.
Oxşar Xəbərlər:
Azərbaycan Ordusunun mövqeləri atəşə tutulub - Müdafiə Nazirliyi
Ermənilər qaşınır: ATƏŞ KƏSİLMİR... - cavab tədbirləri görülüb
Sülhə gedən yolu bağlayan təxribatlar: İrəvan Azərbaycanı əməliyyatlara təhrik edir - NƏ BAŞ VERİR?
Prezident əfv sərəncamı imzaladı – SİYAHI
Ordumuzun bölmələri atəşə tutulub