07 avqust 2023

Daha bir icra başçısı həbs olunacaq?

Baş Prokuror yanında Korrupsiyaya Qarşı Mübarizə Baş İdarəsinin Tərtər rayon İcra Hakimiyyətində keçirdiyi əməliyyatdan sonra aparılan istintaq hərəkətləri bu rayonun icra başçısı Müstəqim Məmmədovun cinayət məsuliyyətinə cəlb olunması ilə nəticələnəcək.

Yenimeydan.info xəbər verir ki, bu barədə Gununsesi.info-nun əldə etdiyi məlumatda bildirilir.
Məlumata görə, bir neçə gün əvvəl rayonda keçirilən əməliyyatda həbs edilən Tərtər rayon İcra Hakimiyyətinin Memarlıq və Tikinti Şöbəsinin müdiri – baş memar Tofiq Kərimov istintaqa ilkin ifadəsində icra başçısının əleyhinə ifadə verib.
Bu isə icra başçısı Müstəqim Məmmədovun həbs edilməsi üçün ciddi əsas yaradıb.
Xatırladaq ki, Baş Prokurorluğun açıqlamasında Tofiq Kərimovun yerli vətəndaşdan tikintiyə icazə üçün 25 min manat pul aldığı bildirilir.
Onun bu vəsaiti icra başçısına verdiyi deyilir.
Əldə etdiyimiz məlumatda o da bildirilir ki, Müstəqim Məmmədov artıq özünə vəkil də tutub.
Onun bu həftə ərzində istintaqa çağırılacağı gözlənilir.

Oxşar Xəbərlər:

Rayonlarda başlayan həbslər Bakıya gəlir: kimlər tutulacaq?

BAŞ PROKURORLUQ NİYƏ YALAN MƏLUMAT YAYAN TALEH QARAŞOVA XƏBƏRDARLIQ ETMƏDİ?

Ali Attestasiya Komissiyasında diplom alveri-ÖZƏL

Prezident əfv sərəncamı imzaladı – SİYAHI