29 may 2023
85

Litvada hərbi təlimlər başlayır

  YeniMeydan.info  rambler.ru-ya istinadən məlumat verir ki, Litvada mayın 29-dan iyunun 4-dək keçiriləcək “Güclü Qalxan 2” beynəlxalq hərbi təlimləri başlayıb. Bu barədə Baltnews Telegram kanalı məlumat yayıb.
Manevrlərdə Litvanın Könüllü Müdafiə Qüvvələri (KMQ) ilə birlikdə Britaniya Reyncer Alayının hərbi qulluqçuları, ABŞ-dan Pensilvaniya Milli Qvardiyasının bölmələri, Norveç Daxili Mühafizə Qüvvələri və Polşa Ərazi Müdafiə Qüvvələri iştirak edəcək.
Təlimlər hərbi hissələrin döyüş hazırlığının artırılması və döyüş əməliyyatlarının aparılmasının praktiki məqsədi ilə keçirilir. Mayın 29-dan iyunun 2-dək komanda-qərargah, iyunun 2-dən 4-dək isə səhra taktiki təlimləri keçiriləcək.
May ayında Estoniyada NATO ölkələrinin desantlarının iştirak etdiyi “Swift Response” təlimi keçirilib. ABŞ-ın rəhbərlik etdiyi manevrlərin bir hissəsi olaraq Özünümüdafiə Qüvvələri və müttəfiqləri qüvvə və texnikanın Baltikyanı respublikaya ötürülməsini təcrübədən keçiriblər.
 
Tərcümə: Səadət Sultan