Kolonna və Blinken Qarabağdakı durumu müzakirə etdi

Fransanın xarici işlər naziri Ketrin Kolonna ABŞ Dövlət katibi Entoni Blinkenlə telefon danışığı aparıb. Onlar danışıq zamanı Qarabağdakı vəziyyəti də müzakirə ediblər.
Axar.az xəbər verir ki, bu barədə Fransa XİN-i məlumat yayıb.
Məlumata görə, Kolonna və Blinken Azərbaycan Prezidenti İlham Əliyev və Ermənistanın Baş naziri Nikol Paşinyanla təmasları davam etdirmək niyyətində olduqlarını təsdiqləyiblər:
“Qarabağ əhalisi üçün (erməni icması nəzərdə tutulur – red.) “ciddi humanitar nəticələr” qəbuledilməzdir, Fransa və ABŞ Baş nazir Paşinyan və Prezident Əliyev arasında təmaslar vasitəsilə bu vəziyyətə son qoymaq üçün güclərini birləşdirir”.