TÜRKİYƏDƏ TERROR HƏYƏCANI: BƏZİ SƏFİRLİKLƏR BAĞLANDI – NAZİRDƏN AÇIQLAMA

Daxili İşlər naziri Süleyman Soylu təhlükəsizlik səbəbiylə Türkiyədəki bəzi səfirlik və konsulluqların müvəqqəti bağlanması ilə bağlı açıqlama verdi.Tribunainfo.az “Sabah” agentliyinə istinadən xəbər verir ki, Türkiyəyə qarşı yeni psixoloji müharibənin başladığını deyən Soylu, “15 nəfər saxlanıldı, 5 nəfər həbs olundu. O kəşfiyyatçının kim olduğunu hər kəs bilir” – qeyd edib.
Nazir əlavə edib – “Türkiyədə terror bitməsə də, artıq birinci gündəm məsələsi deyil . Terror təşkilatlarını kimin qidalandırdığını bilirik. PKK-PYD-ni qidalandıran Amerika Birləşmiş Ştatlarıdır. İllərdir pul, logistika və insan resursları ilə qidalanan Amerika və Qərb terror dövləti qurmaq xəyalından əl çəkməyib. Amerika və Qərb bizim bu coğrafiyada müstəqil və azad olmağımızı istəmir. Hər şey çox aydındır. Stabil Türkiyə olmasa belə, nə olursa olsun anlayaraq hərəkət edirik. 60 milyon turisti hədəf qoyduğumuz gün onlar Türkiyədə yeni bir psixoloji savaş başlatmaq ərəfəsində idilər”.